منتديات ياسر توون
اصدقائي الاعزاء .. عندما قمت بعمل منتديات ياسر توون كان الهدف الرئيسي منها إكتشاف المواهب الشابة في المجالات التالية : الشعر ، الغناء ، تأليف قصص الأطفال ، تأليف الروايات ، التلحين .... إلخ ، وكنت أنوي بالفعل مساعدة تلك المواهب على الظهور ، فمثلاً من يؤلف قصص الأطفال كنت سوف أتخير القصص الجيدة وأدعمها برسوماتي وأعرضها للنشر في إحدى المجلات المتخصصة وعلى فكرة كان هيبقى فيه مقابل مادي ، ورفعت شعار ملتقى المواهب الشابة ، لعل مؤلف أغاني شاب يتقابل مع ملحن شاب من خلال المنتدى ويتعاونا ‘ أو مؤلف قصص أطفال شاب يتقابل مع رسام قصص أطفال شاب من خلال المنتدى ويتعاونا أيضاً ، ولكن مع الأسف منذ شهر ديسمبر 2006 حتى الآن عدد من سجلوا اسماؤهم قليل جداً ومن شارك منهم بموضوعات أقل ، ويبدو حتى أن من شارك لم يصل إليه مفهوم المنتديات فشارك بموضوعات منقولة وليست مبتكرة .. اصدقائي أتمنى المزيد من التفاعل وأن تساهموا بعمل دعاية للمنتدى من خلال إرسال رسائل بريد الكترونية لمعارفكم أصحاب المواهب لدعوتهم للمشاركة .. أو بوضع اللوجو المصاحب لهذا الموضوع في مدوناتكم كإعلان للمنتديات .. لأنني بصراحة إن لم أجد التفاعل المنتظر سوف أغلقها في نهاية هذا العام وأعتبرها تجربة غير ناجحة .. خالص تحياتي وفي انتظار آراءكم
23 comments:
مشكلتنى ان مبفهمش فىالمنتديات
ولا بعرف اتعامل معاها
بس هحاول على شان خاطرك بس يا فنان
سلام
متهيألى ان مافيش حد فاهم فكرة المنتدى ايه يافندم
لان الناس فاكره انها كلها منتديات واهو كله بيرمى مواضيع وخلاص
جميل انك عملت البوست ده عشان الكل يفهم الهدف الحقيقى من وراه
سيب موضوع الدعايع ده عليا
انا متخصصة الدعايه البلوجريه
واللى راحوا الحفلات يشهدوا
دمت طيبا
على فكرة انا فعلا مع رأى وينكى
فى البداية انا تحمست جدا لفكرة المنتدى لما عرفته من حضرتك لاننا كشباب فعلا محتاجين فكرة زى دى
بس حسيت ان الناس مفهمتش الفكرة صح
واحنا فعلا محتاجين ان الناس تفهم الفكرة بشكلها الصح
مش بوضع المنتديات الحالى الى هو كل الى عنده سايت يعمل منتدى وخلاص
المنتدى ده للمواهب لمساعدتها والاخذ بيدها
وعرض افكارها من كل الوجوه
ويمكن زى محضرتك قولت يكون فيها الإفادة
انا عارفه انى مقصرة جدا ..بس انا مش هخلى ليا جهد انى انشر المنتدى
واشارك فيه
واتمنى انه ميتقفلش وتنجح فكرة حضرتك
تحياتى
الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش
ربنا يوفقك
وان شاء الله منتداك هيبقى احسن منتدى
لان هدفه جامد جدآآآآآآآ
غالى والطلب رخيص
هو احنا عنده كام فنان وكمان عايز بساعد الناس
ربنا يوفقك وانا من نحيتى هاعمل اللى عليا
وهانشرها واجبلك مواهب كمان
تقفل ايه يااستاذ ياسر
ان شاء الله نعمل لك
شغل كويس فيها
هو وقت بس..كل حاجه بتاخد وقت
لكن هعمل اللى هقدر عليه
تحياتى
تقفل ايه يااستاذ ياسر
ان شاء الله نعمل لك
شغل كويس فيها
هو وقت بس..كل حاجه بتاخد وقت
لكن هعمل اللى هقدر عليه
ان شاء الله
تحياتى
fasemsem
متشكر يا سمسم
وينكى
فعلا أنا أشهد لك بأنك تنفعي مسئولة دعاية .... انتخابية
:)
شيماء الجيزى
أشكرك يا شيماء
عايزين بقى نشوف الهمة
أبولهب
المنتدى أنا عمري ما كتبت عليه انه لأصحاب مواهب الرسم فقط
انا كاتب ملتقى المواهب الشابة
يعني كل المواهب
الميل رافض يفتح تاني بعد ما بعثت لكل الناس أنه تم الغاؤه
لم أحصل على السيناريو
الرسالة الانجليزية اللي وصلت لك دي تجريب للميل الجديد مش أكتر
عندي سؤال محيرني
أنت ليه بتمسح تعليقاتك؟
عاليا حليم
ألف مبروك لخلود .. عقبال الموقع الرسمي
ann115
أشكرك يا آن
ومنورة دوماً كارتونيا
الصقر الجارح
منور يا حمام
ومتشكر لاهتمامك يا جميل
مدونة كسبان
مرحب بيك يا عزيزي
واشكرك لاهتمامك يا عبقري
خالص تحياتي وشكري للجميع
انا عن نفسي لسة فاهمة معنا المنتدي الحقيقي منك يافنان واحب اشارك بجد بس مش ليا لصديق قديم اعرفة وهو كاتب كويس جدا ودي مش شهادتي لية انا بس الجامعة كلها كانت بتشهدلة انة كاتب قصص واغاني جامد جدا بس ملوش حظ معرفش لية افتكرتة وحبيت اساعدة عن طريق المنتدي بتاعك وياريت لو في ملحن او مطرب ممكن يكلمة ويسالة عن اغانية الي ملت الاجندة بتاعتة وصدقوني مش هيندم الي هيسمع اغانية
رقمة هو 0125356059والبيت 3789502وياريت معرفش مين انا هو اسمة احمد مصطفي بكر والله بجد مشفتش ولا هشوف في جمال كلمات اغانية
والسلام ليكم
ممكن يكون في نقص في الدعايه أو في فهم الناس للهدف من المنتدي ولو حضرتك أستطعت الإتصال بأحد النقاد مثلا ليكون مشرف علي المنتدي فيضع رأيه وتعليقه علي إبداعات الأعضاء فهذا سيكون له دور في زيادة فعاليه المنتدي كما أرجو منك ألا تغلق المنتدي فنحن بحاجه لهذا النوع من المنتديات أكثر من أي شيء أخر
عندى تاج تعالو جاوبو عليه - يلا بسرعة قبل مأى حد يسبقكم
مستنياكم
هبة
كتبت لك تعليق عن موضوع نوال السعداوى يهمنى ردك عليه
shah باشا
ياسر حسين
هو مثلي الاعلي
وعلي فكره ليه كذا موقع ومدنه ومنتدي بس مع الاسف ملوش بخت في موضوع المنتدي اكيد عشان بس مش عارف يعملو الدعايا الكافيه زي اي منتدي تاني
بس ربنا يقدرني وهحاول معاه اني اعمل الدعايه الي تخلي للمنتدي رونقه
تحياتي
أشكر جميع الأصدقاء الذين قاموا بالتعليق على هذا الموضوع وأعتذر عن عدم الرد بالأسم لضيق وقتي هذه الايام استعدادا للقيام بأجازة والسفر إلى مصر الحبيبة
خالص تحياتي
عزيزي شـــاه
أعتذر بشدة عن حذف تعليقك
لما فيه من اسرار تخص عملي ولا أحب أن تنشر هكذا على الجميع
أشكرك على تعليقك وبلغ شكري لمن بلغك هذه الأخبار
فأنا على دراية بهذا الموضوع ولكن لم تتم المقابلات بعد
في المرات القادمة إذا أحببت أن تبلغني بمثل هذه الامور الرجاء مراسلتي مشكوراً على عنوان بريدي الجديد
mr.yasserhussein@yahoo.com
أكرر شكري وغعتذاري عن حذف التعليق
خالص تحياتي
إنسان
الموضوع تم نشره منذ ستة أشهر
فمن غير المنطقي أن نتحاور حول موضوع تم طرحه وتم قفل باب النقاش فيه
على فكرة أنا لا أتبع أي تيار
ولست متعصب لأي إتجاه ديني أو سياسي
ومدونتي مدونة كارتونية شاملة مستقلة
ولا أنا سلفي .. ولا أنا صوفي
مع إحترامي لكل وجهات النظر
خالص تحياتي
اولا انا سعدت بكتشفى هذة المدونة الرائعة والمنتدى الخاص بحضرتك وسوف اقوم بعمل جولة فى باقى الموضوعات ان شاء الله
انا اتعس حد في الدنيا دلوقتي لاني عمري ما سمعت عن المنتدى بتاع حضرتك وللاسف عرفت به بعد فوات الاواااان
كنت اتمنى اشارك فيه بجد ..
بس اعتقد انه فشل لان اغلب الناس هتخاف جداااااااااااااا تعرض شغلها ع النت وحد ياخده ..
اغلب المؤلفين عندهم رعب من الموضوع ده ...
عموما فكره خيره .. وعوضك الله خيرا منها ....
Post a Comment