تذكرت حدوتة حبيت أحكيها لكم
يروى انه كان هناك ملك استدعى إليه أكثر رجل حسداً في مملكته وأستدعى أيضاً أكثر رجل حقداً في مملكته
وقال لهما تمنوا على .. كل واحد هيتمنى امنية هأعطي التاني مثلها مرتين
يعنى لو واحد تمنى بيت هيعطي للتاني بيتين
ولو واحد تمنى زوجة .. هيعطي للتاني زوجتين .. وهكذا
تفتكروا الحاقد تمنى ايه؟
تمنى أن يفقع الملك له عين حتي يفقع للحاسد عينيه الاثنين
يا ترى وصل لكم قد ايه الحاقد أخطر من الحاسد
وربنا يكفينا جميعاً شر كل حاسد وكل حاقد
29 comments:
ههههههههههههه
جامد البوست ده
بس أكيد الحاسد مش ح يسكت
أكيد ح يحسد الحاقد على أنه عنده عين
:D
هو انا بسميهم .. الحاقودي و الحاسودي
و ربنا يكفينا شر الأتنين يا رب
ربنا يكفيكم ويكفينا شر الحاسد والحاقد
ده الحقود ألعن من الحسود
أهو الحسود ممكن تصرف شره بقراءة المعوذتين
بس الحقود بيقعد يخطط ويدبر المكايد
لالحاق الاذى بيك
بوست رائع يافنان
اعوذ بالله من غضب الله
عارف انا نفسي امسك الملك ده سبب المصايب واقطعله لسانه من الاول
هو اللى ادالهم الفرصه
وقعد يتفرج عليهم عشان يتسلى
عالم فااااااااضيه
الحقد مرض
ربنا يشفى كل صاحب مرض
أصبر على كيد الحسود فإن صبرك قاتله فالنار تأكل بعضها إن لم تجد ما تأكله
Sarah Daw
هو هيلحق يفكر أنه يحسد .. ده هيتعمي
أبولهب
حلو التعليق ده ... ملعوبة
koukawy
أنتي بتدلعيهم كمان
:)
ايوية
آمين
كروانه
فعلاً الحقود بيتفنن في الاذى
ومرحبا بيك في كارتونيا
وينكى
تصوري فعلاً السبب في الحدوتة دي الملك
بس كويس علشان توصل لنا الحكمة
اللي في الحدوتة
مدونة كسبان
حبيبي أبو جودة
بيت الشعر ده في الجووول
أحييك عليه
خالص تحياتي وشكري للجميع
هو مثل جامد قوى
بس تعرف ايه الفرق بين الحسد والغبطة ؟
دى حاجة خدناها زمان فى المدرسة بشوفك فاكرها ولا لأ
ربنا يكفيك شر كل حاقد
وكل حاسد
ياساتر يارب ربنا يبعد عنا ولاد الحرام
بص يا اخي العزيز انا دائما حاطط امامي قاعد جميله جدا
وراء كل رجل ناجح اثنان
حسود وحقود
حقود السياره ههههه
تحياتي
Mirage
ولو أني سايب المدرسة من 18 سنة
ومش بأحب حد يمتحني
ومش فاكر اصلا أني أخذت الفرق بينهم في المدرسة لأختلاف المناهج كل سنة عن اللي قبلها
بس ممكن أقول لك
أن الحسد تمني زوال النعمة عن الشخص المحسود
والغبطة لانتمنى زوالها بل نتمنى أن نكون مثل صاحب النعمة في نعمة مثله
شيماء الجيزى
أشكرك على دعاءك
وإياكم
تامر حسين
اللي يجنن بقى سواء ناجح ولا مش ناجح بقى الواحد بيتكعبل في الاتنين دول
خالص تحياتي للجميع
ربنا يكفينا شر الاتنين
ايه الجمال ده
طب مانت كويس اهو
:)
امال ايه بقى سايب المدرسة والقصص دى
اشطة عليك
صباح الفل
بوست جامد موت
ديما الحكايات القديمه بتعبلر عن حاجات عميقه بس ببساطه و ديما نقول هى الدنبا فيها كده و يطلع فيها اكتر من كده بكتيييييييييييييييييييييييييير
ربنا يرحمنا
some one
حفلة ايامنا الحلوه يوم الجمعه 27 يوليو الساعه 8:30 فى ساقية الصاوى
اكبر تجمع بلوجرى
اوعوا يفوتكوا
Blogger Radio Station
حلوة اوى قصة بسيطة لكن عميقة
وللاسف هى دى الحقيقة
الصورة معبرة جدا
ومن شر حاسد اذا حسد
مشمش
آمين
Mirage
صباح الورد
some one
وما خفي كان أعظم
وينكى
إن شاء الله هأبعت من ينوب عني ويحضر الحفلة
Amany
مرحباً بيكي في كارتونيا
القصص القديمة مليئة بالحكم
semsem
الصورة مش جديدة بس تم توظيفها لخدمة الموضوع
خالص تحياتي للجميع
دي اول زيارة على المدونة الروعة دى
بس توحفة البوست دة
بس لو السواد الى جواه الناس يتشال كلنا حانرتاح
ياااااااارب
هاهاهاها يا نهار أبيض ما أكثرهم الناس الى بالنوعية دى، بس باقولك أيه الأحسن أننا ما نعملش أعتبار لحد فيهم ونخليهم يتمرعوا زيادة
مبروك الموقع يا فنان :)
السلام عليكم
انت واحد من اثنين اختارهم شارم ليمثلوا بلادهم في مدونة (مدونوا العالم المتحدين ) و التى يمثلها اكثر من 30 مدون من حوالي 20 دولة من كل قارات العالم و هي اول مدونة عالمية على بلوجر
تم اختيارك بناء على دراسة اجراها شارم لمدة شهرين لمدونات تفيد القارئ و تقدم الفكر المحايد و تسمح لوجود الاختلافات في وجهات النظر على صفحاتها
وجودك معنا يشرفنا
في حالة الموافقة يرجى ارسال ايميل الى العنوان التالي خلال
sharm_lover@hotmail.com
يحمل اسمك المستعار و سنك و اسم مدونتك و ايميلك و سيتم ارسال الدعوة الخاصة لدخول مدونة (مدونوا العالم المتحدين )حتى تتعرف على اعضاءها و اهدافها الذي يتقدمه اثبات ان اختلاف لغاتنا و اعراقنا و دياناتنا و توجهاتنا لا يعنى ابدا بعدنا عن بعضنا البعض او كراهيتنا لبعضنا البعض و اننا يمكن ان نجعل عالمنا سعيدا اذا استطعنا سماع اراء الاخرين التى تعبر عنهم و قول اراءنا التى تعبر عنا
شارم
يا خبر اسود
ده ايه الحقد ده
هههههههههه
لا حلوة
بوست خفيف اوى و عجبني
R.O.U.R.O.U.
مرحبا بيكي في كارتونيا
السواد موجود ولكن الخير ايضاً موجود
بعض الناس جواها سواد
بس الناس اللي جواها الخير أكتر
وده من رحمة ربنا بالعباد
عاليا حليم
بالفعل انا مش عامل لهم اعتبار
والبوست ده رسالة لفضحهم أمام أنفسهم
ده لو الحقودين اصلا عندهم شعور وبيحسوا على دمهم وبيتعظوا من الحواديت دي
:)
الله يبارك فيكي بس أدعي لي الموقع يكمل
Sharm
أشكرك يا عزيزي لأنك شرفتني بهذا الأختيار
بس لو سمحت سيب لي الوقت للتعرف اكثر على هذه المدونة
وعلى ضوء ذلك أقرر الانضمام من عدمه
ولكن أكرر شكري لأنك فكرت فيا
raghda safwat
مرحباً بيكي في كارتونيا
وإن شا الله دوماً بوستات المدونة تعجبك
:)
خالص تحياتي وشكري للجميع
ههههههههههههه
حلوه اوى بس الاكتر منها بقى لما الحاسد والحاقد هما يستلمو واحد واتفرج بقى
اذا كان فى بعض عملو كده امال لو ركزو على واحد هيعملو فيه ايه
فينك و فين بوستاتك
الصقر الجارح
دول لو ركزوا على واحد ممكن يقتلوه
koukawy
أنا موجود
على فكرة أنا بعثت لك صورة كيرو
لعرضها بشكل أفضل عندك
خالص تحياتي
حلوة الحدوثة
;)
على فكرة الحقد ده بيكون بإرادة الواحد يعني بيبقى عارف وحاسس انه بيحقد على حد
انما الحسد ده مش بالايد انت ممكن تحسد حد من غير ماتقصد
يبقى الحقد اكيد ألعن وأخطر
كلام جميل جدا
ونصيحة اجمل
وفعلا فى فرق معروف بين الحاقد والحاسد
الحاسد يحسدك على حاجة حلوة ممكن حسده يأثر وممكن لاء
لكن الحاقد بيكون كله غيظ وغضب على الحاجة دى
ومش بيرتاح الا لما يحصل عليها
شكرا ليك يا فنان
Post a Comment