جميع المواد المنشورة بالمدونة تخضع لقوانين حماية حقوق الملكية الفكرية .. وأي نقل أو إقتباس بدون ذكر المصدر يعرضك للمساءلة القانونية

Sunday, July 1, 2007

أين وائل نور؟

لست متابع جيد للتلفزيون .. خاصة في الفترة الأخيرة .. فمع ازدحام القنوات الفضائية .. مابين قنوات اخبارية تبث لنا بشكل مستمر كل ما يثير الاكتئاب من مشاهد للحروب والقتل وفساد الحكومات وإنهيار الديمقراطية في العديد من البلدان .. وبين قنوات الفيديو كليب الملييء بالعري ومباريات خلع الملابس بين المغنيات .. وأصوات المغنيين النكراء الأشبه بالصراخ .. فررت إلى السينما باحثاً عن فيلم جميل ممتع يخرجني من هذا الجو الخانق مابين أخبار كئيبة واغاني نكراء عارية .. بحثت عن فنان أحببته وتابعت اعماله منذ ان كنت صغيراً أسمه وائل نور ..فلم أجد له أي فيلم يذكر منذ سنوات عديدة ..هذا الفنان حينما لمع نجمه اشاد به النقاد والجمهور وقالوا عنه مثلما يقال عن الفنان أحمد السقا الآن .. أنه يذكرنا بشقاوة ومرح الفنان أحمد رمزي .. وكان أكثر وقت لمع فيه وائل نور كان امام الفنان الكبير الراحل فريد شوقي حيث أسند إليه العديد من الأدوار في المسلسلات التلفزيونية التي كان يؤلفها فريد شوقي للتلفزيون ويقوم ببطولتها ..يختفي وائل نور طويلاً ليظهر على فترات متباعدة في ادوار متنوعة بالمسلسلات التلفزيونية .. أتذكر له دور يعد بطولة مطلقة له في التلفزيون أمام نيرمين الفقى أدى فيه دور شخصية من طبعها الخيانة وفي المسلسل ظهرت نيرمين الفقي بدور زوجته وابنته .. وفي السينما لا أنسى دوره في فيلم حالة تلبس أمام النجمة الصاعدة آنذاك سماح أنور .. بما في الدور من أكشن وقيادة موتوسيكلات .. أين وائل نور من خريطة السينما الآن؟
ولماذا تصاغ حوله الشائعات؟ لقد شاهدته في حياتي على الطبيعة مرتين .. المرة الأولى في المعهد العالي للسينما عام 1989 حيث كنت أقدم أوراقي للالتحاق بقسم الديكور بالمعهد .. والمرة الثانية مر من امامي بسيارته وأنا اقف في شارع شبرا وذلك منذ خمس سنوات تقريباً .. وأنا أبحث عن صور لوائل نور حتى أصمم البوستر المصاحب للموضوع وجدت خبر يقول أن وائل نور يستعد لتصوير فيلم بعنوان الطفل العملاق وهو من تاليف يوسف معاطي واخراج رامي إمام .. وحسب ما ورد في الخبر أن الفيلم سوف يقلب موازين مفهوم السينما الشبابية الآن .. يا ترى هل يستطيع وائل نور ان يخرج لنا بعمل سينمائي مختلف ويسلط عليه الاضواء سينمائياً بعد أن إنزوت عنه السنوات الأخيرة الماضية؟ سؤال يبحث عن إجابة

16 comments:

Unknown said...

فعلا معاك حق انا شخصيا منت احب اتابع وائل نور جدا لانة كان بيجيد ادوارة سواء الكوميدى او الشر كان دورة هايل فى سوق الزلط زاروع فى مسلسل البخيل وانا وجميل فى فوازير جيران الهنا
بس للاسف فية ناس مبيبقاش عنها حظ فى السينما او فى عالم التمثيل النة عالم لة قواعدة الخاصة الى بعض الناس مبتعرفهاش
مش وائل نور بس فين احمد عبد العزيز وفين طارق دسوقى وفين ممدوح عبد العليم وكتير
عموما موضوع هايل احييك علية

Anonymous said...

انا التانية بس مش مهم حلو برضة
انا كمان بحب وائل نور جدا عشان دمة خفيف اوي بس لية ادوار حلوة اوي وادوار مكانتش مناسبة لية لانة ممثل كوميدي من الدرجة الاولي بس اتمني يرجع تاني بس في فنانين كتير انسحبو بهدوء من بعد موجة الممثلين الشباب الي اكلو الجو منهم وكان منهم وائل نور يمكن عشان يفضل في نظر الناس نجم كبير ويمكن محبش انة يفشل قصاد النجوم الصغيرين ويضيع الي عملة طول السنين لان دة عيب الفن انة اول مايفشل مرة الناس بتنسي النجاح الي فات ومش بتفتكر غير الفشل الطاريء
بس مع كل حال انا بحبة جدا وبحيية ومتاكدة انة لو رجع هينجح اكتر

تامر حسين said...

جري ايه يا ايويه انتي عجبتك الحكايه كل يوم تسبقي وتبقي اول واحده تعلق ولا ايه
ما علينا
وائل نور انا عن نفسي بحبه جدا ده مسخره بجد بيعرف يضحكني بمسكه المميز
ربنا يسهل ونشوف له فيلم يستاهل وينافس اللمبي وكركر وفرفر ومرمر
تحياتي حاتي باتي

semsem said...

انا مش عارفع اعلق المرة الدى على شان نا اصلا ملايش بصراحه فى الممثلين ومين راح ومين جه انا اللى بلاقيه ادامى بشوفه لو لو فاضيه
والوحيد بصراحه اللى ممكن انزل على شان اشوفه فيلم عادل امام
تحياتى يا فنان
واكيد انت شخص جميل فعلا على شان بتفكر فى الناس كده
تحياتى يا فنان

koukawy said...

هو انا طبعا ما احترامي لرأيك في وائل نور بس انا مش شايفاه فلته و محبتوش الا في البخيل و اتا و ده لأن المسلسل كله كان حلوي و بالتالي المخرج كان مشغله كويس بس انا اتمني انه يعمل فيلم حلو رغم كده لأن الواحد نفسه شيوف فن حلو بقي

feeling said...

انا صحيح من المعجبين فى وائل نور
بس تعتقد ان رجوعه بى فيلم جديد هوا اللى راح يقلب موازين السينماالشبابية بصراحة الخبر مبالغ فيه

.......
انا شفت شخبوطه لك فى البوست القديم لراجل بيبص لفوق بصراحه جميلة ومعبرة ياريت بلاش تهملها كده وتحطهافى
الصفحه الرائسيه لمدونتك

Yasser Hussein said...

ايوية
وائل نور ممثل جيد والاسماء التي ذكرتيها كلهم تقريبا نفس الجيل وضيفي إليهم شريف منير وهو الوحيد تقريباً المستمر سينمائياً من بين هؤلاء

مشمش
أنا مشفتش لوائل نور عمل فاشل
ولكن تواجده سينمائياً ضئيل جداً بالنسبة لأقرانه بالرغم أنه يمتلك مقومات ممثلي الأكشن وخفيف الظل

تامر حسين
من حيث الماسك فهو بيعطي بوجهه تعبيرات كوميديه للغاية
وكان له مسلسل مع رانيا محمود يس
كان مضحك جداً

semsem
مع احترامي لرأيك
الوحيد اللي بأتردد كثيراً قبل دخول فيلم له هو عادل إمام
لأنه يعتمد حتى الآن على المشاهد إياها
بالرغم أنه كبر في السن
ولكن هذا لا ينفي أن له أعمال جميلة
ولكني لا أنزل من بيتي مخصوص من اجل دخول فيلم له
والبركة في الدي في دي

koukawy
وائل نور مش فلته .. يعني الموجودين حالياً فلته؟
أنا شايف أن وائل نور لو كان وجد المخرج الجيد اللي يوظف شكله وآداءه لكان أصبح نجم من نجوم الشباك
على فكرة السينما مخرج
المسرح ممثل
التلفزيون مونتاج

feeling
بالطبع الخبر مبالغ فيه وده العادي عند الاعلان عن فيلم جديد لجذب المشاهدين لدخوله

أنا لا أهمل بوستاتي وممكن الرجوع إليها بسهولة من قائمة التصنيفات حيث يتم عرض كل الشخابيط متتالية بمجرد الضغط على تصنيف شخابيط
وأنا سعيد لأن الشخبوطة دي أعجبتك

خالص تحياتي وشكري للجميع

S H A H said...

طالما معاه يوسف معاطي كمان اعتقد الاتنين فعلا ممكن يقلبو الموازين

عشان زهقنا بجد من الاسفاف اللي حاصلدلوقتي

و الكل مستني فعلا لون جديد

موضوع جميل

مدونة كسبان said...

فعلا بجد
قمة اللطافة والظرف وخمة الدم
التلقائية واللى بتبان على وشه فى اى عمل
الوحيد اللى لو عمل دور شرير ممكن تضحك برضه
موهبه غير عادية
بحب وائل نور لما بيعيط
لما بيتسهبل
فعلا نجم لكن مش كل النجوم بناخد بالنا منها
بسبب ان الوسط الفنى علاقات والأعمال بتقوم على العلاقات وليس الموهبه

أما عن الأفلام واسمحى لى اتكلم فى حاجه برضه لها علاقة بالموضوع فبجد انا زهقت
غباااااء
قمة التفاهه معظم أفلام اليومين دول
السينما بره بتتقدم
واحنا بناخد السينما بنرجع بيها للوراء

اين رشدى اباظه
اين فاتن حمامه
يحيى شاهين
أحمد رمزى
محمد فوزى
عبد السلام النابولسى

هتقارن عبد السلام النابولسى بالتافه محمد سعد اللمبى يعنى
هل ممكن تقارن اى ممثل دلوقتى بأقل ممثل من بتوع الأفلام الأبيض والأسود ايام ماكانت السينما لسا بتقول ياهادى

الممثليبن بقوا تافهيين اوى
والله بيصعبوا عليا وبضحك عليهم ان جت بالصدفه ورحت اسمع فى يوم السينما
وبروح بالعافيه لما صحابى بيشدوا فى شعرهم

انا متأسف ياياسر لو كنت منفعل شويه بس من الهبل اللى بشوفه

الله يخرب بيت الهبل اللى هما فيه

متأشف تانى

Unknown said...
This comment has been removed by the author.
Yasser Hussein said...

S H A H
عندك حق يوسف معاطي كاتب متميز وممكن يطلع من تحت أيده سيناريو متميز

مدونة كسبان
كل وقت وله آدان
الناس المحترمة اللي أنت ذكرتهم في وقتهم برضه كان فيه اللي مش عاجبهم آدائهم
وكان فيه اللي بيتهمهم بالاسفاف
خاصة عبد السلام النابلسي
لقد شاهدت كاريكاتير قديم على الفنان النابلسي وهو يمسك بسماعة التليفون قائلاً:مش مهم تبعت السيناريو لأن أدواري كلها زي بعضها
وطبعاً وصلت لك الصورة
:)

أبو لهب
ممكن تبعت لي السيناريو ع الياهو
ولو يصلح أنه يتحول لقصة مصورة أنا ممكن ارسمه
ولكن لو لفيلم فبما أني لا أعمل في الحقل السينمائي فسوف يكون رأيي مجرد رأي متذوق للفن
ونصيحة أخوية لا تنشر هذا السيناريو ع النت لأن الأفكار بتتسرق
:)

خالص تحياتي للجميع

yasmina said...

مدونة جميلة تحياتي
تذكير حلو لممثل لا نراه كثير

عارف يمكن السبب من كثرهم

:)

تامر حسين said...

ايه رايك فيموضوعي بقي اي خدمه
تحياتي

Yasser Hussein said...

yasmina
مرحباً بيكي في كارتونيا
الممثلين اللي ع الساحة مش كتير ولا حاجة
والمواهب الحقيقية قليلة جداً

تامر حسين
شفت يا سيدي الملحوظة اللي حطيتها ع البوست عندك .. وعلقت عليها كمان

خالص تحياتي

Anonymous said...

يعنى هى جت عليه؟؟؟
لو جدت بالك هاتلاقى ناس كتير جدا موهوبين ورائعين وفنانين لكنهم مختفيين تماما
ماحدش عارف السوق عاوز ايه

Yasser Hussein said...

وينكى
السوق السينمائي اصبح بتحكمه قواعد غير مفهومة وغير ثابتة
زيه زي سوق اللحمة والخضار
:)